|
17.06.19
ԿԱՐՄԻՐԳՅՈՒՂ ՀԱՄԱՅՆՔՈՒՄ ՄԵԿՆԱՐԿԵՑ ՄԻՆԻ ՖՈՒՏԲՈԼԻ ԴԱՇՏԻ ԿԱՌՈՒՑՄԱՆ ԱՇԽԱՏԱՆՔՆԵՐԸ:
|
|
Ուրախալի լուր Կարմիրգյուղցիների համար: Կարմիրգյուղ համայնքում սկսվել է Հայաստանի ֆուտբոլի ֆեդերացիայի ծրագրով կառուցվելիք խաղադաշտի շինարարությունը:Մեր շնորհակալական խոսքն ենք ուղղում Հայաստանի ֆուտբոլի ֆեդերացիայի նախագահ Արթուր Վանեցյանաին՝ մարզերում նման ծրագիր իրականացնելու համար. -Պարոն Վանեցյան, մենք կպատասխանենք Ձեր արածին՝ լավ ֆուտբոլիստներ տալով Հայաստանի առաջնությանն ու հավաքականներին: Սա մեծ նվեր է մեր համայնքին:
|
|
|
03.06.19
Եկեղեցու բակի լուսավորություն
|
|
Ավարտվեցին Կարմիրգյուղ համայնքի եկեղեցու բակի լուսավորման աշխատանքները: Գիշերային լուսավորության համար ձեռք է բերվել թվով 9 հենասյուն, որոնց յուրաքանչյուրի վրա տեղադրված է 4 լուսատու: Աշխատանքները կատարվել են համայնքապետարանի և <<Կարմիրգյուղ Սպասարկում>> ՀՈԱԿ-ի աշխատակիցների կողմից:
|
|
|
01.06.19
ՀՈՒՆԻՍԻ 1-Ը՝ ԿԱՐՄԻՐԳՅՈՒՂՈՒՄ
|
|
Երեխաների իրավունքների պաշտպանության օրը Կարմիրգյուղ համայնքում նշվեց մեծ շուքով: Խաղավարն ու մուլտ-հերոսները հետաքրքիր և ուրախ դարձրին փոքրիկների առօրյան, իսկ Կարմիրգյուղի մանկական Արվեստի դպրոցի սաների երաժշտական և պարային կատարումներն էՙլ ավելի բարձրացրին բոլորի տրամադրությունը: Համայնքապետարանն էլ, ի դեմս համայնքապետ Հ. Գասպարյանի, պատրաստել էր քաղցր ու հաճելի անակնկալ բոլոր փոքրիկների համար՝ պաղպաղակներ....
|
|
|
29.05.19
<<Զարթոնք>> պարային համույթի սաները մասնակցեցին Հաղթանակի զբոսայգում կազմակերպված փառատոնին
|
|
Կարմիրգյուղի Մանկական Արվեստի դպրոցի <<Զարթոնք>> պարային համույթի սաները մասնակցեցին Հաղթանակի զբոսայգում կազմակերպված, Հայաստանի առաջին Հանրապետության հռչակման օրվան նվիրված փառատոնին: Փայլուն ելույթի համար նրանք արժանացան պատվոգրի և մեդալի:
|
|
|
28.05.19
Մայիսի 28-ը՝ Կարմիրգյուղում
|
|
Մայիսի 28-ին Կարմիրգյուղի մանկական Արվեստի դպրոցում տեղի ունեցավ <<Հաղթանակների շղթա>> խորագիրը կրող երաժշտական-գեղարվեստական ցերեկույթ՝ նվիրված Հայաստանի առաջին հանրապետության հռչակման օրվան: Անդրադարձ եղավ այդ ժամանակահատվածի իրադարձություններին՝ մասնավորապես Սարդարապատի հերոսամարտին: Անդրադարձան նաև մայիսյան հաղթանակներին: Միջոցառման մասնակիցներին և կազմակերպիչներին այս առիթով շնորհավորեց ԵԿՄ Գավառի տարածքային բաժնի ղեկավար Աշոտ Գասպարյանը: Համայնքապետ Հ Գասպարյանը նույնպես շնորհավորեց ներկաներին և դրամական պարգևներ հանձնեց համայնքի երկրապահ կամավորականներին:
|
|
|
24.05.19
Վերջին զանգ...
|
|
Կրկին հնչեց դպրոցական վերջին զանգը՝ ազդարարելով 2018- 2019թթ. ուս. տարվա շրջանավարտների դպրոցական կյանքի ավարտը... Համայնքապետ Հակոբ Գասպարյանը շրջանավարտների համար պատրաստել էր գեղեցիկ անակնկալ:
|
|
|
24.05.19
Ոռոգման ցանցի անցկացում՝ դեմի կոչվող տարածքում
|
|
Ավարտվեցին Կարմիրգյուղ համայնքի դեմի կոչվող հողատարածքների ոռոգման ցանցի անցկացման աշխատաքները: Անցկացվեց 700 մ. 90մմ հաստությամբ խողովակ: Քանդման և լցման աշխատանքները նույնպես կատարվել է համայնքի միջոցների հաշվին: Զոդման և պոլիէթիլենային խողովակների տեղադրման աշխատանքները կատարվել է համայնքապետարանի աշխատակիցների կողմից:
|
|
|
09.05.19
ՄԱՅԻՍՅԱՆ ՀԱՂԹԱՆԱԿՆԵՐ
|
|
Մայիսյան եռատոնի առթիվ Կարմիրգյուղի հասարակությունը կազմակերպեց գեղեցիկ շքերթ և ծաղկեդրում
|
|
|
03.05.19
<<ԿԱՐՄԻՐԳՅՈՒՂԻ ՄԱՆԿԱՊԱՐՏԵԶ>> ՀՈԱԿ-Ը ՍԿՍԵՑ ԻՐ ԱՇԽԱՏԱՆՔՆԵՐԸ
|
|
Այս տարի <<Կարմիրգյուղի Մանկապարտեզ>> ՀՈԱԿ-ը իր հյուրընկալ դռները բացեց իր սաների առջև մայիսի 2-ին՝ վերանորոգված ու լուսավոր խմբասենյակներով: Կապիտալ հիմնանորոգման համար շինանյութ տրամադրել էր <<ՎՈՐԼԴ- ՎԻԺՆ>> կազմակերպությունը, իսկ հիմնանորոգման աշխատանքների համար վճարել է համայնքապետարանը:
<<Ֆոքս օն չիլդրեն նաու, ինկ. բարեգործական կազմակերպությունը մանկապարտեզին նվիրաբերեց 60 մահճակալ և 60 ներքնակ, անկողնային պարագաները կտրամադրի համայնքապետարանը:
|
|
|
02.05.19
<<Զարթոնք>> պարային համույթի սաները մասնակցեցին պարի միջազգային օրվան նվիրված փառատոնին
|
|
Կարմիրգյուղի <<Մանկական արվեստի դպրոցի>> պարարվեստի բաժնի սաները մասնակցեցին Հ. Պարոնյանի անվան պետական դրամատիկական թատրոնում կազմակերպված <<Պարի միջազգային օրվան նվիրված համերգ-փառատոնին: Փայլուն մասնակցության համար նրանք արժանացան մեդալների և դիպլոմի, ինչպես նաև հրավեր՝ Վրաստանում ելույթ ունենալու համար:
|
|
|
24.04.19
ՀԱՐԳԱՆՔԻ ՏՈՒՐՔ՝ ՑԵՂԱՍՊԱՆՈՒԹՅԱՆ ԶՈՀԵՐԻ ՀՈՒՇԱՔԱՐԻ ՄՈՏ
|
|
Լռության րոպեներ` բազմաթիվ բառերի փոխարեն...
Կարմիրգյուղցիները իրենց հարգանքի տուրքը մատուցեցին անմեղ զոհերի հիշատակը հավերժացնող հուշաքարի մոտ.....
|
|
|
10.04.19
ԿԱՆԱՆՑ ՄԻԱՄՍՅԱԿԻՆ ՆՎԻՐՎԱԾ ՄԻՋՈՑԱՌՈՒՄ՝ ԿԱՐՄԻՐԳՅՈՒՂԻ ՄԱՆԿԱԿԱՆ ԱՐՎԵՍՏԻ ԴՊՐՈՑՈՒՄ
|
|
Կարմիրգյուղի «Մանկական արվեստի դպրոցում» կազմակերպվեց «Մոր սիրո ուժը» խորագիրը կրող գեղեցիկ միջոցառում: Միջոցառումը սկսվեց Աստծո և դեռևս լույս աշխարհ չեկած փոքրիկի երկխոսությամբ, որտեղ փոքրիկը անհանգստանում է և դիմում Տիրոջը ու հարցնում, թե ինչպես է այնտեղ ապրելու առանց նրա, չէ՞ որ ինքն այնքան անօգնական է, ինչպե՞ս է դիմելու Տիրոջը, մինչդեռ ապրում էր անհոգ, երգում էր և ուրախանում: Տերը նրան հանգստացնում է ասելով, որ այնտեղ նրան մի հրեշտակ կնվիրի, որը հոգ կտանի նրա մասին, կսովորեցնի միացնել ձեռքերն ու աղոթել, կերգի նրա համար, կսիրի ու նա երջանիկ կզգա: Փոքրիկն ասում է, որ երկրի վրա չարը շատ է, իսկ Տերը հանգստացնում է նրան ...
Մանրամասն |
|
|
31.03.19
Բարի գալուստ Կարմիրգյուղի պաշտոնական կայք
|
|
Կարմիրգյուղ համայնքը գտնվում է Հայաստանի Հանրապետության Գեղարքունիքի մարզում, այն նախկինում անվանվել է Ղուլալի, իսկ ավելի վաղ Աշնակ: Հ իմնադրվել է 1828 թվ . երբ սկսվել է ներգաղթը Արևմտյան Հայաստանի Բայազետ նահանգից : ՀԽՍՀ Գերագույն խորհրդի 1940 թ . հունիսի 1- ի հրամանագրով վերանվանվել է Կարմիրգյուղ : Գյուղի միջով հոսում է Գավառագետի Քոռ չայ վտակը, որի երկարությունը գյուղի միջով անցնող հատվածից կազմում է 5.8 կմ , որը գյուղը բաժանում է երկու մասի : Գյուղի երկարությունը հյուսիսից հարավ 4200 մ է , իսկ լայնությունը արևելքից արևմուտք ` 1200 մ : Համայնքի վարչական տարածքը 3532.23 հա .: Համայնքի հեռավորությունը մայրաքաղաքից ...
Մանրամասն |
|
|
31.03.19
Համայնքապետարանի պատմությունը
|
|
Կարմիրգյուղի գյուղապետարանը կազմավորվել է 1996թ. նոյեմբերի 10-ից (նախկին Կարմիրգյուղի գյուղական խորհրդի գործկոմի փոխարեն) համաձայն 1995թ. նոյեմբերի 7-ի «վարչատարածքային բաժանման մասին» ՀՀօրենքի: Տեղական ինքնակառավարումը սկսվել է իրականացվել 1997թ. հունվարից՝ համայնքի ավագանու և գյուղապետարանի աշխատակազմի ձևավորման արդյունքում: Տեղական ինքնակառավարումը համայնքում իրականացվում է համաձայն ՀՀ սահմանադրության, ՀՀ հողային օրենսգրքի, ՀՀ աշխատանքային օրենսգրքի, քաղաքացիական օրենսգրքի, «տեղական ինքնակառավարման մասին» ՀՀ օրենքի, «Համայնքային ծառայության մասին» ՀՀ օրենքի, ՀՀ այլ օրենքների, ՀՀ նախագահի հրամանագրի, ՀՀ կառավարության որոշումների և ենթաօրենսդրական այլ ...
Մանրամասն |
|
|
25.03.19
ՀԵՐԹԱԿԱՆ ԱՅՑԵԼՈՒԹՅՈՒՆ՝ ԶԻՆԾԱՌԱՅՈՂՆԵՐԻՆ
|
|
Կարմիրգյուղի համայնքապետարանը՝ ի դեմս համայնքապետ Հ. Գասպարյանի, ընդառաջելով համայնքի՝ Արցախի պաշտպանական բանակում ծառայող զինծառայողների ծնողների խնդրանքին, մարտի 23-24-ին կազմակերպեց տեսակցություն՝ ծնողների և Արցախի պաշտպանական բանակում ծառայող զինծառայողների հետ: Տեսակցությունը կազմակերպվեց հյուսիսային և հարավային ուղղություններով, մոտակա հյուրանոցներում, մեկ օրով: Բոլոր ծախսերը հոգաց Կարմիրգյուղի Համայնքապետարանը:
Կազմակերպվեց նաև շրջայց՝ Գանձասարի եկեղեցի, նրանք նաև ծաղիկներ խոնարհեցին Քարվաճառի Գավառի տարածաշրջանից զոհված ազատամարտիկների հիշատակը հավերժացնող հուշաքարին:
|
|
|
23.03.19
Համապետական շաբաթօրյակ
|
|
Չնայած ճանապարհների ստվերոտ հատվածներում կուտակված ձյան հաստ շերտերին ու ցուրտ եղանակին Կարմիրգյուղի բնակիչները միահամուռ կերպով դուրս էին եկել շաբաթօրյակի։
|
|
|
11.03.19
ՄԵՆԱՀԱՄԵՐԳ՝ ԿԱՐՄԻՐԳՅՈՒՂԻ ՄԱՆԿԱԿԱՆ ԱՐՎԵՍՏԻ ԴՊՐՈՑՈՒՄ
|
|
Երաժշտությունը մեզ ուղեկցում է ողջ կյանքի ընթացքում: Այն ուրախ տրամադրություն է հաղորդում, իր հետ բերում հիշողություններ՝ երբեմն ուրախ, երբեմն տխուր...
Այն կարող է քեզ տանել մեկ այլ աշխարհ, որտեղ միայն դու ես, քո հիշողություններն ու երաժշտությունը...
Մարտի 10-ին <<Կարմիրգյուղի մանկական արվեստի դպրոց>>- ում տեղի ունեցավ դաշնամուրային բաժնի 7-րդ դասարանի աշակերտուհի Անի Շահբազյանի մենահամերգը: Նա հանդես եկավ դաշնամուր, քանոն և սանթուր գործիքների կատարմամբ: Համերգի ընթացքում ներկայացվեցին նաև Անիի վրձնի աշխատանքները:
Մենահամերգի ընթացքում իրենց կատարմամբ հանդես եկան նաև <<Զարթոնք>> պարային համույթի և վոկալ բաժնի սաները:
|
|
| 1 2 3 4 |