Այսօր: Երեքշաբթի, 14 Հուլիսի 2020թ.
Կարմիրգյուղի համայնքապետարանի պաշտոնական կայք
Հյուրերի քանակը՝ 38
ՀՀ ԳԵՂԱՐՔՈՒՆԻՔԻ ՄԱՐԶԻ ԿԱՐՄԻՐԳՅՈՒՂ ՀԱՄԱՅՆՔ
ԻՐԱԴԱՐՁՈՒԹՅՈՒՆՆԵՐ

ՆՈՐՈՒԹՅՈՒՆՆԵՐ
21.06.20 ՀԱՄԱՅՆՔԱՊԵՏ Հ. ԳԱՍՊԱՐՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ՝ ԲՈՒԺԱՇԽԱՏՈՂԻ ՕՐՎԱ ԱՌԹԻՎ
Սիրելի՛ բուժաշխատողներ, շնորհավորում եմ Ձեզ մասնագիտական տոնի առթիվ:
Ձեզ ի սրտե մաղթում եմ ուժ և եռանդ` այս պատասխանատու և դժվարին առաքելությունը նվիրումով կատարելու, ինչպես նաև մասնագիտության պատիվը բարձր պահելու գործում: Առանձնահատուկ շնորհավորում եմ այն բժիշկներին, ովքեր կորոնավիրուսային այս ծանր պայմաններում սեփական կյանքը վտանգելով՝ օր ու գիշեր անցկացնում են հիվանդի մահճակալի կողքին, ինչպես նաև ռազմական բժիշկներին, ովքեր հոգ են տանում մեր խաղաղությունն ու բարօրությունն ապահովող հայ զինվորների առողջության մասին:
01.06.20 ՀԱՄԱՅՆՔԱՊԵՏ Հ. ԳԱՍՊԱՐՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ՝ ՀՈՒՆԻՍԻ ՄԵԿԻ ԿԱՊԱԿՑՈՒԹՅԱՄԲ

 Սիրելի՛ երեխաներ, Սրտանց շնորհավորում եմ ձեզ՝ ձեր ամենալուսավոր տոներից մեկի՝ Երեխաների իրավունքների պաշտպանության միջազգային օրվա առթիվ: Սիրելի փոքրիկներ, դուք եք մեր վաղվա օրվա կրողներն ու հայենիքի ապագան կերտողները, ուստի մեզանից յուրաքնչյուրի պարտքն է ստեղծել բարեկեցիկ պայմաններ ձեր պայծառ ու անհոգ կյանքի համար: Սիրելի՛ փոքրիկներ, կրկին շնորհավորում եմ ձեզ հունիսի 1-ի՝ Երեխաների իրավունքների պաշտպանության միջազգային օրվա առթիվ՝ ցանկանալով ձեզ անհոգ և լուսավոր մանկություն, խաղաղ երկինք և անսպառ ժպիտներ: Թող որ դուք մշտապես շրջապատված լինեք անսահման սիրով ու ջերմությամբ:

25.05.20 ԳԵՂԱՐՔՈՒՆԻՔԻ ՄԱՐԶՊԵՏ Գ. ՍԱՆՈՍՅԱՆԻ ԱՅՑԸ ԿԱՐՄԻՐԳՅՈՒՂ ՀԱՄԱՅՆՔ
Կարմիրգյուղի համայնքապետարանում կազմակերպվեց Գեղարքունիքի մարզպետ Գ. Սանոսյանի և համայնքի բնակիչների հանդիպում: Մարզպետ Գ. Սանոսյանը սիրով պատասխանեց բնակիչների՝ իրեն ուղղված հարցերին: Ուշագրավ հարցերից մեկը բարձրացվեց Արվեստի դպրոցի գեղարվեստական մասի ղեկավար Օ. Գևորգյանի կողմից՝ համայնքի Մշակույթի տան վերանորոգման վերաբերյալ, իսկ բուժամբուլատորիայի տնօրեն Լ. Մուսոյանը շնորհակալություն հայտնելուվ տանիքի վերանորոգմանը աջակցելու համար՝ խոսեց նաև բուժամբուլատորիայի ջեռուցման, ինչպես նաև համապատասխան սարքավորումներով հագեցնելու անհրաժեշտության մասին:
07.04.20 ՀԱՄԱՅՆՔԱՊԵՏ Հ. ԳԱՍՊԱՐՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ`ԱՊՐԻԼԻ 7-Ի ԿԱՊԱԿՑՈՒԹՅԱՄԲ
Սիրելի մայրեր, տիկնայք և աղջիկներ, սրտանց շնորհավորում եմ ձեզ ապրիլի 7-ի՝ Մայրության և գեղեցկության տոնի կապակցությամբ: Ապրիլի 7-ն ունի յուրահատուկ խորհուրդ, քանի որ այդ օրը առանձնահատուկ մեծարանքի ենք արժանացնում մայրությանն ու մայրության հարատև գեղեցկությանը, որպես կյանքի ու երջանկության անսպառ աղբյուր: 1995-ին այս օրը ներառվեց մեր ազգի տոնացույցի մեջ՝ Հայ Առաքելական եկեղեցու կողմից նշվող Սուրբ Աստվածածնի Ավետման տոնի կապակցությամբ՝ որպես մայրերի և մայրության բերկրանքին սպասող կանանց օրհնության օր: Անգնահատելի է առաքինի իմաստությամբ օժտված հայ կնոջ դերն իր ընտանիքում և հասարակության կյանքում: Սիրելի կանայք, մայրեր, գարնանային այս հիասքանչ տոնի առթիվ մաղթում եմ ձեզ անսահման սեր, երջանկություն, ... Մանրամասն
26.02.20 ՀԱՆՐԱՅԻՆ ԲԱՑ ՔՆՆԱՐԿՈՒՄ

2020թ. փետրվարի 26-ին տեղի ունեցավ Կարմիրգյուղ համայնքի ավագանու նիստ և բաց քննարկում՝ համայնքի բյուջեի 2019թ. կատարման մասին:

Նիստին մասնակցում էին Տեղական ինքնակառավարման և հանրապետական գործադիր մարմինների հարցերով վարչության պետ` Վ. Հարությունյանը, համայնքի բնակիչներ, համայնքում գործող երկու դպրոցների աշխատակիցներ, արվեստի դպրոցի, մանկապարտեզի, բուժամբուլատորիայի աշխատակիցներ:

Նիստի ժամանակ ներկայացվեց 2019թ.-ի ընթացքում կատարված բոլոր աշխատանքները: Համայնքի 2019թ. բյուջեն կազմել է 162.598.4 հազ. դրամ, որը կատարվել է 98,5 %-ով, որից սեփական եկամուտներ՝ 93,2%:

Համայնքին հատկացվել է սուբվենցիոն 2 ծրագիր՝

ա) ասֆալտապատում՝ 14747,7 հազ. դրամ

բ) ջրահեռացման համակարգի կառուցում՝ 9678,2 հազ. դրամ

28.01.20 ՄԻՋՈՑԱՌՈՒՄ' ՆՎԻՐՎԱԾ ՀԱՅՈՑ ԲԱՆԱԿԻՆ

Կարմիրգյուղի մանկական արվեստի դպրոցում տեղի ունեցավ միջոցառում՝ նվիրված Հայոց բանակի կազմավորման 28 ամյակին: Հնչեցին երգեր՝ նվիրված Հայոց բանակին ու հայ զինվորին, փոքրիկ բեմականացման միջոցով ներկայացվեց հայ զինվորների ու նրանց մայրերի հույզերն ու ապրումները...

28.12.19 ԱՄԱՆՈՐ՝ 2020

    Կարմիրգյուղ համայնքի Արվեստի դպրոցի բակում հավաքվել էին փոքրեր ու մեծեր: Տոնական ուրախ տրամադրությունը համակել էր բոլորին: Հրավիրվել էին խաղավար, մուլտհերոսներ,  Ձմեռ Պապ և Ձյունանուշ, որոնք հետաքրքիր խաղերի միջոցով զվարճացրին փոքրիկներին: Բայց սա դեռ ամենը չէր: Համայնքապետարանը պատրաստել էր նաև նվերներ՝ մասնակից երեխաների և ներկա փոքրիկների համար:

11.11.19 ՏԵՍԱԿՑՈՒԹՅՈՒՆ ԶԻՆԾԱՌԱՅՈՂՆԵՐԻՆ

    Կարմիրգյուղի համայնքապետարանը ս/թ. նոյեմբերի 9-10-ը կազմակերպեց տեսակցություն՝ ծնողների և Արցախի պաշտպանական բանակում ծառայող զինծառայողների հետ հյուսիսային և հարավային ուղղություններով, մոտակա հյուրանոցներում: Ճանապարհածախսը, հյուրանոցային և այլ ծախսերը հոգաց համայնքապետարանը: Զինծառայողներին սպասվում էր նաև անակնկալ՝ գումարի տեսքով:

29.10.19 ԲԵՐՔ ՈՒ ԲԱՐԻՔԻ ՓԱՌԱՏՈՆ՝«ԿԱՐՄԻՐԳՅՈՒՂԻ ՄԱՆԿԱՊԱՐՏԵԶ » ՀՈԱԿ-ՈՒՄ

   «Կարմիրգյուղի մանկապարտեզ» ՀՈԱԿ-ի երեք խմբերում կազմակերպվեցին և անցկացվեցին «Բերքառատ աշուն» խորագիրը կրող միջոցառումներ: Դահլիճի ձևավորումը շատ գեղեցիկ էր, իսկ փոքրիկների ելույթը՝ հաճելի և հուզիչ:

22.10.19 «Զվարթնոց» հայ երգի մրցույթ-փառատոն
«Զվարթնոց» հայ երգի մրցույթ-փառատոնին իրենց մասնակցությունը ունեցան նաև Կարմիրգյուղ համայնքի շնորհալի երեխաներ և ստացան լավագույն մրցանակներ:    «Զվարթնոց» հայ երգի lV մրցույթ-փառատոնում Կարմիրգյուղի N2 միջնակարգ դպրոցի Vl դասարանի աշակերտ Յուրիկ Ումրշատյանը արժանացել է «Հանդիսատեսի համակրանք» պատվոգրի, Xl դասարանի աշակերտուհի Ալինա Գևորգյանը «Էստրադային երգ» անվանակարգում զբաղեցրել է առաջին տեղ, Կարմիրգյուղի N1 միջնակարգ դպրոցի XI դասարանի աշակերտուհի Անահիտ Բնյանը «Էստրադային երգ» անվանակարգում զբաղեցրել է երրորդ  տեղ, իսկ X դասարանի աշակերտուհի Սեդա Հոդաբաշյանը «Ժողովրդական երգ» անվանակարգում՝երկրորդ ... Մանրամասն
14.09.19 ՀԱՄԱՄԱՐԶԱՅԻՆ ՇԱԲԱԹՕՐՅԱԿ

     Սեպտեմբերի 14-ին կազմակերպվեց և անցկացվեց հերթական համամարզային շաբաթօրյակը: Շաբաթօրյակին իրենց մասնակցությունն ունեցան համայնքապետարանի, «Կարմիրգյուղ-սպասարկում» ՀՈԱԿ-ի, «Կարմիրգյուղի Մանկապարտեզ»  ՀՈԱԿ-ի, բուժամբուլատորիայի, ինչպես նաև  թիվ 1 և թիվ 2 դպրոցների աշխատակիցներ և աշակերտներ: Համայնքապետարանը տրամադրեց համապատասխան պարագաներ և գործիքներ:

05.09.19 Բակային խաղեր՝ Կարմիրգյուղի մանկապարտեզին

    «Ֆոքսօնչիլդրեննաու» կազմակերպությունը՝ ի դեմս Դերիկ, Ադրինէ, Նարեկ, Նեյթըն և Նիկոլաս Ղուկասյանների, Կարմիրգյուղի մանկապարտեզին նվիրեցին բակայնի խաղեր: Նախապատրաստական և տեղադրման աշխատանքների համար Կարմիրգյուղի համայնքապետարանը տրամադրեց 243000 հհ դրամ:

01.09.19 ԳԻՏԵԼԻՔԻ ՕՐԸ՝ ԿԱՐՄԻՐԳՅՈՒՂ ՀԱՄԱՅՆՔՈՒՄ

    Սեպտեմբերյան ուրախ ղողանջները հնչեցին կրկին՝ դասի կանչելով թե՛ ավագ սերնդին և թե՛ առաջին անգամ սրտի թրթիռով դպրոցի առաջին շեմին ոտք դնող առաջին դասարանցիներին:

    Դպրոցականներին ու ներկաներին իրենց ողջույնի ուղերձն հղեցին դպրոցների տնօրենները, 2018-2019թթ. ուս.տարում գերազանց առաջադիմություն ցուցաբերած աշակերտներին հանձնվեցին գովասանագրեր, Կարմիրգյուղի թիվ 1 միջն. դպրոցի 2018-2019թթ շրջանավարտ Արաքսյա Գևորգի Գասպարյանին հանձնվեց ոսկե մեդալ իսկ առաջին դասարանցիներին համայնքապետարանը նվիրեց գրենական պիտույքներ:

27.08.19 ԱՎԱՐՏՎԵՑԻՆ ՀՈՒՆԱՆ ԱՎԵՏԻՍՅԱՆ ՓՈՂՈՑԻ ՖՐԵԶՎԱԾ ԱՍՖԱԼՏԲԵՏՈՆԵ ԽԱՌՆՈՒՐԴՈՎ ԱՍՖԱԼՏԱՊԱՏՄԱՆ ԱՇԽԱՏԱՆՔՆԵՐԸ

Մարզպետարանը Կարմիրգյուղ համայնքին տրամադրեց ֆրեզված ասֆալտբետոնե խառնուրդ, որով ասֆալտապատվեց Հունան Ավետիսյան փողոցի 1,3 կմ երկարությամբ ճանապարհահատվածը։ Տեղափոխման և համահարթեցման աշխատանքները կատարվեցին համայնքի բյուջեի հաշվին։
Շնորհակալություն մարզպետ Գնել Սանոսյանին ,ֆրեզված ասֆալտբետոնե խառնուրդ տրամադրելու համար։

03.07.19 ՀԱՇՎԵՏՈՒ ՀԱՄԵՐԳ՝ 2019

Կարմիրգյուղի մանկական արվեստի դպրոցում տեղի ունեցավ հաշվետու համերգ՝ դհոլի, քանոնի, պարարվեստի, կերպարվեստի, դաշնամուրի, վոկալ բաժնի շրջանավարտների մասնակցությամբ: Նրանց շնորհեցին վկայականներ, իսկ Համայնքապետ Հ. Գասպարյանի կողմից արժանացան նվերների: 2018-2019թթ ուս. տարում պատվոգրերի արժանացած սաների մանկավարժներին՝ կերպարվեստի դասատու Նոյեմզար Արևշատյանին, դաշնամուրի դասատու Գայանե Մարդոյանին և պարարվեստի դասատու Տաթև Ջրաղացպանյանին նույնպես շնորհվեցին պատվոգրեր: Համայնքապետարանի կողմից պատվոգրի արժանացավ նաև դպրոցի տնօրեն Լ. Սուչյանը այս ուս. տարում կատարած լավագույն աշխատանքների համար:

17.06.19 ԿԱՐՄԻՐԳՅՈՒՂ ՀԱՄԱՅՆՔՈՒՄ ՄԵԿՆԱՐԿԵՑ ՄԻՆԻ ՖՈՒՏԲՈԼԻ ԴԱՇՏԻ ԿԱՌՈՒՑՄԱՆ ԱՇԽԱՏԱՆՔՆԵՐԸ:

Ուրախալի լուր Կարմիրգյուղ համայնքի բնակիչների համար: Կարմիրգյուղ համայնքում սկսվել է Հայաստանի ֆուտբոլի ֆեդերացիայի ծրագրով կառուցվելիք խաղադաշտի շինարարությունը: Մեր շնորհակալական խոսքն ենք ուղղում Հայաստանի ֆուտբոլի ֆեդերացիայի նախագահ Արթուր Վանեցյանաին՝ համայնքներում նման ծրագիր իրականացնելու համար. -Պարոն Վանեցյան, մենք կպատասխանենք Ձեր արածին՝ լավ ֆուտբոլիստներ տալով Հայաստանի առաջնությանն ու հավաքականներին: Սա մեծ նվեր է մեր համայնքին:

03.06.19 Եկեղեցու բակի լուսավորություն

Ավարտվեցին Կարմիրգյուղ համայնքի եկեղեցու բակի լուսավորման աշխատանքները: Գիշերային լուսավորության համար ձեռք է բերվել թվով 9 հենասյուն, որոնց յուրաքանչյուրի վրա տեղադրված է 4 լուսատու: Աշխատանքները կատարվել են համայնքապետարանի և <<Կարմիրգյուղ Սպասարկում>> ՀՈԱԿ-ի աշխատակիցների կողմից:

1 2 3


Բոլորը
ՏԵՍԱՀՈԼՈՎԱԿ
ՀԱՅՈՑ ՑԵՂԱՍՊԱՆՈՒԹՅԱՆ ՆԱՀԱՏԱԿՆԵՐԻ ՈԳԵԿՈՉՈՒՄ ՑԵՂԱՍՊԱ
ՄԵՐ ԿՈՆՏԱԿՏՆԵՐԸ
ՄԻԱՑԵՔ ՄԵԶ
ՀՂՈՒՄՆԵՐ
Գ.ԿԱՐՄԻՐԳՅՈՒՂ

0(264) 6-06-96

karmirgyugh.gegharquniq@mta.go

Պաշտոնական էլ. փոստ` @e-citizen.am
(միայն www.e-citizen.am համակարգով ծանուցումների համար)



© 2008 - 2020 Հեղինակային իրավունքները պաշտպանված են
ԿԱՐՄԻՐԳՅՈՒՂԻ ՀԱՄԱՅՆՔԱՊԵՏԱՐԱՆ
Մշակող   ՏՀԶՎԿ ՀԿ
Համայնքային կառավարման տեղեկատվական համակարգ 2.03
ԲԿԳ Մրցանակ 2015 - OGP Award 2015
2015 Regional Winner